Qırım köpründe işğalciler, baquv noqtalarınıñ sayısını arttıracaqlar

20 Aprel 2023

Yaqın kelecekte Qırım (Keriç) köpründe eñ az daa 40 teşkerüv noqtası peyda olacaq. Qırımnıñ işğal başı Serhiy Aksönovğa atıf eterek, Qırım.Aqiqat bunı yazdı.

Aksönovnıñ bildirgenine köre bu, künde orta areket şartında Qırım köpründen 8,5 biñ maşnanı keçirmege imkân yaratacaq. 

Yaqın kelecekte Qırım ve Kuban taraflarında köpürge kirişte rf naqliyat nazirligi ve federal yol agentligi (rosavtodor) daa eñ az 40 teşkerüv noqtasını açmağa planlaştıralar. 

Bundan ğayrı, Qırım köpründe rus hızmetleriniñ işçileri içün teşkerüv usullarına dair taqlimat ve treningler keçirilecek.

Keçenlerde Qırımnıñ işğal akimiyetiniñ reberi Yuriy Hotsanük bildirdi ki, mayıs ayınıñ 1-ine qadar rus akimiyeti, qoşma noqtalarnı ve teşkerüv cihazı vastasınen Qırım (Keriç) köprüniñ keçirüv qabiliyetini “çoq qatta” arttırmağa ıntıla.