Qanunsız olaraq tevqif etilgen İrına Danılovıçnıñ cinaiy davasına irişimi sıñırlandı

10 Aprel 2023

İçtimaiy jurnalist İrına Danılovıçnıñ cinaiy davasındaki makeme oturışlarınıñ protokollarını oquvmaq imkânı sıñırlandı ve olarğa red etüv şeadetnamesi azırlandı. rusiyeniñ kontrol etkeni Kefe şeer makemesi, bu tür qarar berdi, dep jurnalistniñ babası Bronislav Danılovıç Qırım.Aqiqatqa haber berdi.

rus makemecesi Nataliya Kulınska, tanışuv ceryanını bitirmege qarar berdi ve çiçek ayınıñ 7-sinde şikâyet müessisesine cinaiy davanı berdi. Şu anda ükümge şikâyetnameni baquv tarihı alâ daa tesbit etilmedi.

Bronislav Danılovıçnıñ sözlerine köre, qızınıñ sağlığınıñ alı yaramay olıp tura, o baş ağrısına, eşitüv ve areketlerniñ koordinatsiyası kibi meselelerge şikâyet etmege devam ete. O ayta ki, rus makemecisi jurnalistniñ tibbiy teşkerüvini sozğalay edi.

Epishaneciler, jurnalistni hastahanege ketirdiler, anda ekim onı teşkergen soñ hastalarnı tedaviylemek içün bir qaç tedbir yazdı, şu cümleden başqa ekimlerni baqmaq. Faqat bir kün devamında Danılovıçqa ekim tarafında yazılğan bütün tibbiy protseduralar berilmedi ve SİZOğa keri qaytarıldı.