Putin cenkteki mağlübiyetni ve Qırımnıñ qaytarılmasını başından keçirmeycek – The Telegraph

12 Sentâbr 2022

Fotoresim: telegraph.co.uk

The Telegraphta cenklerniñ tedqiqçisi Mayk Martin USQniñ qarşı ücüminiñ yıldırım kibi tezligi aqqında yazdı. 72 saat boyunca olar işğal etilgen topraqlarnıñ 3 000 kvadrat kilometrini azat ettiler.

THH yaza ki, mütehassısnıñ sözlerine köre, İzüm ve Kupyansk esas şeerlerdir ki, olar olmadan rus orduları Ukrainanıñ şarqında öz quvetlerini semereli şekilde temin etemeycek. Daa keniş kontekstte bu demek ki, Ukrainadaki rus ordusı dağıla, insanlarnen ve logistikanen bağlı meselelerge qırşavlama qorqu qoşuldı.

– Vaziyet öyledir ki, USQ rus quvetlerini böldiler. Ve şu anda Qırımda muvafaqiyet qazanmaq eñ zor olacaq – amma Keriç köprü viran etil etilmez Qırımnınñ qaytraılması tek zaman meselesi olacaq, – Martin emindir.

Putin içün bu, soñ demek olacaq, Rusiyeni bekleycek şey belli olmay.