Meclis vekilleri “VİET meselelerine cevap” forumında iştirak ettiler

02.11.2025

Orta küz ayınıñ 29-nda Kıyivde “VİET meselelerine cevap: umumiy qararlar ve cemiyet qurulışı” forumı olıp keçti. Forumda Qırımtatar illiy Meclisiniñ, em de vaqtınca işğal etilgen topraqlar mevzularınen oğraşqan devlet institutları ve cemaat teşkilâtlarınıñ vekilleri iştirak ettiler.

Tedbir vaqtında Ukrayina Cemiyet ve topraqlar inkişafı naziriniñ muavini Oleksiy Râbikin qayd etti ki, vaqtınca işğal etilgen topraqlarğa nisbeten devlet siyaseti eki yönelişke doğrutılğan – işğalli memuriyetlerniñ qanunsız areketlerine qarşılıq kösterüv ve işğal altında ya da köçmege mecbur olğan vatandaşlarğa qol tutuv.

Onıñ qayd etkenine köre, Rusiye işğal etilgen topraqlarda, hususan Qırımda, yerli ealini sürgün etüv, zorbalıqnen assimilâtsiya etüv ve faalcilerni taqip etüv siyasetini alıp bararaq, insanlarnıñ aqlarını muntazam sürette boza.

Qırımtatar Milliy Meclisiniñ azası Eskender Bariiev işğalcilerniñ qırımtatarlarğa qarşı yapqanları cinayetlerni qayd etmek ve devletniñ işğal etilgen topraqlarda qalğan vatandaşlarnen bağını saqlap qalmaq müim olğanını qayd etti. Bundan ğayrı, o, Qırımtatar Milliy Meclisi ve Qırımtatar resurs merkeziniñ bu meselede büyük iş tecribesi ve azırlanğan talil malzemeleri ve tevsiyeleri olğanını qayd etti.

Forum iştirakçileri reintegratsiya qanunlarınıñ yañartılmasını, reintegratsiya halqara platformasınıñ meydanğa ketirilmesini ve zarar körgen vatandaşlarğa destek mehanizmlerini muzakere ettiler.

Tedbirde Ukrayina Prezidentiniñ Qırım Muhtar Cumhuriyetindeki Temsilciligi, Donetsk VAM, Berdânsk RDM, Severodonetsk şeer arbiy memuriyeti ve Qırım meselelerinen oğraşqan cemaat teşkilâtlarınıñ vekilleri de iştirak ettiler.