Pragada qırımtatar halqı vaziyetine dair meseleler baqılacaq

10 Oktâbr 2011

2011 senesi oktâbr 9 künü Çehiyanıñ paytahtı – Pragada üç kün devam etecek “Forum 2000” Halqara konferentsiyası açıldı. Onıñ işinde dünyanıñ çeşit yerlerinden kelgen 140 delegat iştirak etecek.

On beşinci kere ötkerilgen işbu konferentsiyanıñ kün tertibine ayrıca muzakere etmek içün demokratiya, insan aqları ve uquq üstünligi kibi meseleler qoyuldı.

Konferentsiya oktâbr 9 künü aziz Anna adını taşığan qadimiy çeh kilsesinde “Foruma 2000” esasçıları – Çehiyanıñ (1993-2003) Prezidenti , uquqqoruyıcı Vatslav Gavel ve Yaponiya Barışıq fondınıñ başı Sasakava Yohey Sasakava, bunıñ kibi de 2011 senesine Nobel mukâfatınıñ iqtisadiyat boyunca saibi Cözef Stiglitsa iştirakinde açıldı.

600-den ziyade nufuzlı siyasetçiler, devlet erbapları konferentsiyanıñ mahsus musafirleri oldılar.

Qırımnı Qırımtatar halqı Meclisiniñ reisi, Ukraina halq deputatı, belli uquqqoruyıcı Mustafa Cemilev temsil etti. Konferentsiyanıñ açılışına Gürcistan Prezidenti Mihail Saakaşvilli ve Kosovo Prezidenti Atifete Yahya da keldiler.

Halqara konferentsiya çerçivesinde Meclis reisi Mustafa Cemilev 11 oktâbr künü Ukraina ve Avropa Birligi munasebetleri brünca “Ukraina: demokratiya içün artqa atılğan adım” mevzusında munaqaşada iştirak etecek.

Bundan da ğayrı, Qırım ve qırımtatarlarına bağışlanıp “Qırımnıñ kelecegi” mevzusında munaqaşa ötkerilip, onıñ teşkilâtçılarınıñ ricasına köre Mustafa Cemilev Mustafa Cemilev qırımtatar halqınıñ bugünki vaziyeti aqqında ikâye etip, jurnalistlerni meraqlandırğan suallerge cevap berecek