Asan Ahtemovnı Arhangelsk vilâyetine etap ettiler

10 March 2025

Bugün, saban ayınıñ 10-nda, qırımtatar siyasiy mabüsi Asan Ahtemov, onı rusiyeniñ Arhangelsk vilâyetiniñ Korâjma şeerindeki TM-5ke ketirgenlerini haber etmek içün apayına telefon etti.

“Şimdi o, karantin astında, bir özü qala. Onıñ aytqanına köre, bu etap qıyın edi, ve o, ağır hastalandı. Onıñ aqqında sorap qasevetlengen er keske selâm aytmağa rica etti”, – dep Repika Asanov Facebook saifesinde yazdı.

Daa evel, kiçik aynıñ 15-nde, Asan Ahtemovnı Vladimir merkezinden TM-5ke alıp ketkenleri aqqında haber etildi, amma etapnıñ soñki noqtası belli degil edi. O vaqıt apayı qayd etti ki, siyasiy mabüsniñ sağlığı fenalaşa – ekimleri raatsızlana, suvuq olğan meseleler daa kerginleşe.

Hatırlatamız ki, 2022 senesi ilk küz ayınıñ 21-nde işğalli Qırım Yuqarı makemesi Qırımtatar Milliy Meclisiniñ reisiniñ birinci muavini Nariman Celâl, vatandaş jurnalisti Asan Ahtemov ve onıñ qardaşı Aziz Ahtemovğa üküm çıqardı. Asan Ahtemov 15 yıl, 500 biñ ruble para cezasını aldı ve 1 yılğa areket serbestligi sıñırlandı.