Oquv yılı arefesinde

15 Avgust 2011

Milliy Meclisniñ medeniyet ve tasil idaresiniñölbaşçısı, “Maarifçi” birleşmesiniñ reisi Safure Kacametova milliy mekteplerniñ temeli tiklenüvinde tınımsız ğayret köstergeni er keske bellidir. Onıñ teşebbüsinen keçken senesi İSLAM İNKİŞAF BANKİniñ maddiy qoltutuvında 9 milliy mektepler tamirlenip bütün kerekli eşyalar,orgtehnika,fen,tibbiyet, emek terbiyesi ve kompyuter kabinetlerinen taminlendi. 2011-2012 oquv yılına

“Qırımtatar milliy mekteplerniñ maddiy tehnik bazasını pekitüv” leyhasınıñ II tranşı daa 7 milliy mektepni qapladı. Bu leyhanı amelge keçirgen “Maarifçi” birleşmesi ve “Alraid” teşkilâtı mart ayından berli ortaqlıq işbirliginde mekteplernen çalışıp kelmekteler. Keçken sene leyha çerçivesinde 9 qırımtatar milliy mektepniñ maddiy- tehnika bazası qaviyleştirilgen olsa, bu sene daa 7 mekteplerimizni temeli mükemmel olacaq.

Oquv yılı arefesinde tamir ve donatma işlerini köz etüv maqsadınen Milliy Meclis azası, QYUŞ ñ deputatı, “Maarifçi” birleşmesiniñ reisi S.Kacametova ve “Alraid” teşkilâtınıñ reis muavini Amin Al-Kasım bu mekteplerge birer-birer bardılar. Bugün ise olar Qarasubazar şeeri Sarı-Suv qasabasındaki milliy mektep ve Aqmescitteki 42-nci sanlı oqutuv 2 tilde alıp barılğan mektepte bulundılar.

Bu mekteplerden ğayrı leyha Qarasubazar rayonınıñ Alevke (Annovka), Cürçi rayonınıñ Sarı- Baş, Qurman rayonınıñ Büyük- Onlar, Aqmescit rayonınıñ Bulğanaq, Canköy rayonınıñ Qalay mekteplerinde amelge keçirile. Bu mekteplerde de aşhane, sınıf ve fen odaları tamir etilip kerekli melzeme, orgtehnika ve eşyalar alındı.

S.Kacametova leyha neticesinde milliy mekteplerimizniñ talim-terbiye ceryanı yüksek basamaqqka köteriler dep, ümüt ete.