Qırımtatar tiliniñ inkişafına qoşqan isse içün Ukrayina Nazirler Kabineti mukâfatına konkurs ilân etildi

05.12.2025

Ukrayina Qavmiy siyaset ve vicdan serbestligi devlet hızmeti (QSVSDH) qırımtatar tiliniñ inkişafına qoşqan isse içün Ukrayina Nazirler Kabineti mukâfatına konkursnı ilân etti.

Mukâfat qırımtatar tiliniñ saqlanuvı, inkişafı ve populârlaştırmasında müim isse qoşqan şahıslarnı qayd etmek içün berile. Er bir mukâfatnıñ miqdarı – 50 000 ğrıvnâ.

İştirak etmege medeniyet erbapları, tilşınaslar, tercimanlar, pedagoglar, tasil malümatlarınıñ müellifleri, faalciler ve qırımtatar tiliniñ inkişafına yardım etken diger şahıslar teklif etile bile.

Namzetni teklif etmek içün QSVSDHniñ (info@dess.gov.ua) elektron poçtasına aşağıdaki vesiqalarnı yollamaq kerek:

• QSVSDH tarafından tasdıqlanğan şeklinde mukâfatnıñ berilüvine dair teklif;
• mukâfat namzetini taqdim etüv materialları (video, fotoresimler, ilmiy ve oquv-metodik neşirleri, matbuat vastaları, veb-saytlar ve ilâhre);
• mukâfat namzetiniñ hususiyetleri, onıñ muvafaqiyetleri, reberniñ imzası ile;
• mukâfat namzetiniñ Ukrayina vatandaşı pasportınıñ ya da çetel vatandaşınıñ ya da vatandaşlığı olmağan şahısnıñ pasport vesiqasınıñ kopiyası;
• şahısnıñ Devlet fizikiy şahıslar – bergi töleyici cedvelinde qayd etilmesini tasdıqlağan vesiqanıñ kopiyası ya da qayd etilgen cedvelden bergi töleyici esap kartasınıñ qayd etilüv nomerası aqqında malümat, Ukrayina vatandaşı pasportına kirsetilgen, diniy işançları sebebinden bergi töleyici esap kartasınıñ qayd etilüv nomerasını qabul etmekten vazgeçken ve bunı mütenasip nezaret organına bildirgen ve pasportında qayd etilgen şahıslar istisna olmaqnen;
• Tek devlet demografiya cedvelinde qayd etüvniñ unikal nomerası (mevcut olsa);
• mütenasip şahısnıñ şimdiki esabınıñ rekvizitlerini köstergen bank vesiqası.

Vesiqalar bu seneniñ ilk qış ayınıñ 12-ne qadar qabul etile.

Ğalebe qazanğanlar diplom, köküs nişanı ve para mukâfatını alırlar.

Teşkilâtlar, müessiseler, icadiy toplulıqlar ve cemaat birleşmeleri namzetlerni teklif ete bileler.

Bağlantığa basıp, vesiqalarnı berüv ceryanı aqqında tafsilâtlı malümat, teklif forması ve bermek içün alâqalarnı ögrenmek mümkün.