Qırımdaki tintüvler ve tevqifler

15.10.2025

Bugün saba maalinde Qırımnıñ işğalli rusiye akimiyeti, Bağçasaray rayonında ve Aqyarğa memuriy şekilde ait olğan köylerde yaşağan qırımtatarlarnıñ evlerini tintti.

Şimdi dört qadın tutulğanı aqqında belli, olarnıñ arasında çoq balalı ana ve siyasiy mabüs Remzi Nimetullayevniñ apayı Esma Nimetullayeva.

Bundan ğayrı, işğalciler Zalanköy (Holmivka) köyünde yaşağan ve bala bağçasında terbiyeci olıp çalışqan pedagogika koleciniñ studenti Nasiba Saidovanıñ evini tinttiler.

Başqa meskün yerlerde de tintüvler keçirildi: Bağçasaray rayonınıñ Topçıköy (Dolınne )köyünde quvetçiler Elviza Aliyevanıñ evine kirdiler, Mamaşay (Orlivka) köyünde ise Fevziye Osmanovanıñ evini tinttiler.

Belli oldı ki, tutulğan qadınlarnı Aqmescitke – sözde “RF FSBniñ Qırım Cumhuriyeti ve Aqyar şeerindeki idaresi”ne alıp kettiler.