Noyabr 3 künü Sudaq regional meclisiniñ kenişletilgen toplaşuvı olıp keçti

04 Noyabr 2013

Sudaq regional meclisiniñ ofisinde ötkerilgen toplaşuvda Sudaq regional meclis reisi İlver AMETOV, Qurultay Teftiş komissiyasınıñ reisi Ali Özenbaş, Meclis azası Abduraman Egiz, bunıñ kibi de Sudaq regionındaki yerli meclis reisleri iştirak ettiler.

Toplaşuvnıñ başında Qurultay Teftiş komissiyasınıñ reisi Ali Özenbaş kenişletilgen toplaşuvda ayrı yerli meclis vekilleri iştirak etmegenini teesssüfle qayd etti. Toplaşuvda Qapsıhor meclisiniñ reisi yoq edi.

Ali ÖZENBAŞ Qurultay Teftiş komissiyasınıñ işi aqqında ikâye etip, yerli meclis reislerini semetdeşlerimiz arasında milliy matbuatqa, cümleden “Qırım” ve “Avdet” gazetalarına abune oluv boyunca teşviqat alıp barmağa çağırdı.

Öz nevbetinde Meclis azası Abduraman Egiz Aqmescitte oktâbr 26-27 künleri olıp keçken VI çağırılış Qurultayı 1-nci sessiyasınıñ neticeleri aqqında malümat berdi.

Toplaşuv devamında Sudaq regionından sürgün etilgen qırımtatarlarnıñ hatırasına abide qoyuv meselesini muzakere ettiler. Belli ki, bu abideniñ müellifi rahmetli eykeltıraş İlmiy Ametov edi.