Norveg eyeti, cemiyet jurnalisti Ruslan Süleymanovnı qorçalamağa çıqış yaptı

06 Dekabr 2022

Dünyada belli olğan Helsinkideki Norveg eyyeti adlı uquq qorçalayıcı teşkilât Ruslan Süleymanovnı destek etti. Eyyet, 14 senege şiddetli rejimli müstemlekege maküm etilgen cemiyet jurnalistini destek etmek içün bir ariza yayınladı. Eyyetniñ baş kâtibi Berit Lindeman da ayrı olaraq çıqış yaptı.

Malümatına Ukraina milliy jurnalistler toplaşuvı atıf etken “QIrım birdemligi” cemiyet teşkilâtı bu aqqında haber berdi.

Norveg eyyeti, Ruslan Süleymanovnıñ fotoresmini böyle yazınen yayınladı: “Dört balanıñ babası, fizika ocası, 14 sene epishanede. Ruslan tutulıp, qırımlılarğa adaletni istemek içün 14 senege epishanede keçirmege maküm etildi. Ruslan ayta ki, öz vatanına qasevetlene ve vatanına qaytıp onı içün küreşmege çoq bekley”.

Helsinkideki Norveg eyyeti teşkilâtınıñ baş kâtibi Berit Lindeman Twitterde yazdı ki, Ruslan Süleymanov Rusiye tarafındna 2019 senesinden qanunsız olaraq tutula: “Onı destek etkenimge ğururlanam. Ruslan azat olsın!”.