Nasıldır bir gruppa insan kendilerini Ukraina mahkemesiniñ qararını amelge keçirmege aqqı bar, dep saysa ketişat nege alıp kelecegini bugün Qırımnıñ er bir sakini tüşünmeli

04 December 2012

Qırımtatar halqı Meclisi reisiniñ birinci muavini, Qırım Yuqarı Şurasında “Qurultay-Ruh” fraktsiyasınıñ başı Refat Çubarov 4 dekabr künü özü keçirdigi matbuat konferentsiyaında söyledi. Matbuat konferentsiyanıñ mevzusı – “Bir gecede eki provokatsiya…Qırımda kim dava çıqarmağa istey?”

“Biz bugün topraq davasınıñ asılını muzakere etmeymiz ve dava taraflarınıñ poziiyası aqqında da aytmaymız. Biz mahkeme qararı cemaat ve ya da siyasiy teşkilâtlarnı celp etilgeni alda amelge keçirilmesiniñ usulları hususında söz yürsetemiz, – dep qayd etti Refat Çubarov dekabrge keçer gecesi Molodöjnoye qasabasında qırımtatarlarnıñ muvaqqat evçikleri yıqtırılğanını izatlayaraq.

“Diger bir teşkilât, deyik adı “Adalet” olsun, gece saat 2-de elinde mahkeme qararınen “adaletni tiklemege” ketse neler olabilecegini bir tasavur etiñiz, – dedi R. Çubarov. – Nasıldır bir gruppa insan kendilerini Ukraina mahkemesiniñ qararını amelge keçirmege aqqı bar, dep saysa ketişat nege alıp kelecegini bugün Qırımnıñ er bir sakini ciddiy tüşünmeli”.