Nariman Celâl Ukraina Milliy jurnalistler birleşmesini ziyaret etti

20 Avgust 2024

_{Foto: Ukraina Milliy jurnalistler birleşmesi}

Jurnalist statusı azat etüv fırsatını arttıra – rus esirliginde deyerli üç sene keçirgen qırım siyasetçisi ve jurnalisti, Qırımtatar Milliy Meclisiniñ reisiniñ muavini Nariman Celâl buña inana.

Qırım işdeşi rusiye esirliginden azat etilgen soñ arman ayınıñ 19. künü Ukraina Milliy jurnalistler birleşmesi ilk kere onı hayırladı. Körüşüvde UMJBniñ başı Serhiy Tomilenko, UMJBniñ birinci kâtibi Lina Kuşç, UMJBniñ kâtibi ve belli qırım jurnalisti Mıkola Semena, soñki künleri Ukrainada bulunğan Avropa jurnalistler federatsiyasınıñ ştab-dairesiniñ vekili Anna Dovğa ve esir etilgen ukrain jurnalisti Serhiy Tsıpiğanıñ ömür arqadaşı Olena Tsıpiğa iştirak ettiler.

– İşğalcilerge aqiqiy malümat muqavemetini köstergen ve men bellesem, qaraman olaraq areket etken jurnalistlerniñ taqdirlerine siziñ diqqatıñız ve siziñ cemaatıñıznıñ diqqatı, – eñ az bir jurnalist adı, esirlikten azat etilecekler cedveline qoşulacağına bir kefildir, – dep Nariman Celâl ayttı.

Nariman Celâl qayd etti ki, rusiye esirliginde bulunğanlar aqqında hatıravlar olarğa dayanmağa küç bere.

– Başqa insanlar tarafından yüksek qıymet kesüv, er şeyni doğru yapqanıñnı isbatlay, ve bu seni biraz qorçalay, şu cümleden ruhiy basqıdan qorçalay ve yardım ete”, – dedi Nariman Bey. İçinde küçü ve temeli olmağan insan “yıqıla” bile. Bu pek yaramay bir şey. Onıñ içün yapqanlarıñız pek müimdir!

Nariman Celâl qayd etti ki, esir etilgen jurnalistlerniñ şahsiyetine diqqat, bazılarınıñ fikirince, olar içün qoşma telükeler yaratmay.

Bundan da ğayrı, o, UMJBniñ ürmetli musafirler kitabında şunı yazdı: “Er bir esir etilgen jurnalistniñ adından diqqatıñız ve qol tutuvıñız içün teşekkürler bildirem! İşdeşleriñizniñ azat etilmesini talap etip, toqtamayıñız! Jurnalistler müimdir! N. Celâl”