Nariman Celâl Qırımdaki işğalli “saylavlar”nı izaatladı: 44,51%-i “istegenler” ve “zorlanğanlar”

09 Sentâbr 2024

Meclisniñ reisiniñ birinci muavini Nariman Celâl qayd etti ki, berim ayınıñ 6-nda bücet müessiseleriniñ hadimleri “saylavlar”da iştirak etmeleri içün işten boşatıldı.

• Saylavlarnıñ ilk eki kününiñ neticelerine köre, rey berüvde yalıñız 26% iştirak etti. Niayet, üç kün devamında bütün ğayretlerni kösterip, Qırım boyunca 44,51% “istegenler” ve “qorqutılğanlar” tapıldı. Yalıñız Aqyarda – 49,05%, dep Celâl bildirdi.

Nariman Celâl qayd etti ki, 2014 senesi Qırımtatar Milliy Meclisi böyle yerli “saylavlar”nı boykot etmege çağırğan edi.

• O vaqıt Meclis yarımadadaki bütün Ukraina vatandaşlarına onı boykot etmeleri içün muracaat etti. Bugün, Ukraina Silâlı Quvetleri bu çağıruv aqqında er daim hatırlatalar, qulaq asmağanlarğa ise, bu çağıruvdan vazgeçilmez mesüliyet aqqında tenbiyeleyler. Şikâyet etmek faydasız olur. Öz közyaşlarımıznı esirlikte ve elâk olğan imayecilerniñ mezarlarında qaldırdıq,  dep Meclisniñ reisiniñ birinci muavini hulâsa çıqardı.