Nariman Celâl Kanada elçiligini ziyaret etti

23 Avgust 2024

Meclisniñ reisiniñ birinci muavini Nariman Celâl ve Prezidentniñ Qırım Muhtar Cumhuriyetindeki daimiy temsilcisi Tamila Taşeva Ukrainadaki Kanada Elçiligini ziyaret ettiler. Olar Kanadanıñ halqara inkişaf naziri Ahmed Husseyn ve Kanadanıñ Ukrainadaki elçisi Natalka Tsmotsnen körüştiler.

– Birinciden, Kanadağa memleketimizge çeşit saalarda köstergen yardımları içün minnetdarlığımnı bildirdim. Bundan da ğayrı, Nazir beyni işğal etilgen Qırımda yüz bergen vaziyetnen tanış ettim, em de işğalciler tarafından insan aqlarınıñ muntazam bozuluvına diqqat ayırdım. Körüşüv çerçivesinde yarımadada yaşağan ve er kün işğalcilerge farqlı şekillerde muqavemet köstergen Ukraina vatandaşlarınıñ qarşılığını da qayd ettim, – dep Tamila Taşeva Facebookta yazdı.