Musulmanlarnıñ daa bir muqaddes yeri – Kebir cami aqaret etildi

04 March 2013

Mart 3-ten 4-ke keçer gecesi Aqmescit şeerindeki merkeziy cami – Kebir caminiñ qorasına qara qalemnen pis sözler yazılğan, dep haber bere Qırım musulmanları diniy idaresiniñ matbuat merkezi.

Qırım musulmanları diniy idaresi hadimleri bu adiseni közetüv kameraları qayd etkendirler, dep tahmin eteler.

Adise yüz bergen yerge taqiqat işlerini alıp barmaq içün uquqqoruyıcı organlar yetip keldiler.

Vandallıq boyunca Ukraina Cinaiy Kodeksiniñ 296-ncı maddesine köre cinaiy iş açıldı.