Mustafa Cemilevniñ Praga körüşüvleri

10 Oktâbr 2011

2011 senesi oktâbr 9 künü Pragada açılğan “Forum 2000” XV Halqara konferentsiyası çalışıp başlağan ilk kününden Meclis reisi Mustafa Cemilev Çehiyanıñ 1993-2003 senelerde Prezidenti olğan, “Forum 2000” fondunıñ esasçısı ve uquqqoruyıcı Vatslav Gavel ile körüşüvde Qırımtatar halqınıñ öz Vatanında aq-uquqlarını ğayrıdan tiklev, onıñ Ukrainada telükesizligini teminlev meseleleri boyunca halqara forum keçirmek mevzusını muzakere etti.

Belli uquqqoruyıcı ve totalitar devletlerniñ demokratik inkişafınıñ tarafdarı Vatslav Gavel Meclisniñ Halqara forum keçirmek teşebbüsine qoltutaraq, bu işniñ amelge keçirilmesine yardım etmege azırlığını bildirdi.

Aynı şu künü Mustafa Cemilev Gürcistan Prezidenti Mihail Saakaşvili ile de körüşip, “Forum 2000” XV Halqara konferentsiyası çerçivesinde Qırımnıñ inkişafı ve qırımtatar halqınıñ aqlarını tiklevnen bağlı meselelerni beraberlikte muzakere etmekni añlaştılar. körüşüvler.