Mustafa Cemilev Qırımda milletlerara munasebetler problemini Ukraina Yuqarı Şurasınıñ Qırım meseleleri boyunca muvaqqat komissiyası vekâletlikleri cedveline kirsetmekni teklif etti

04 July 2013

İyül 4 künü Ukraina Yuqarı Şurasınıñ Qırım meseleleri boyunca muvaqqat komissiyasınıñ birinci toplaşuvında Milliy Meclis reisi, Ukraina halq deputatı Mustafa Cemilev şu komissiya azası olaraq iştirak etti.

Öz kâtibi olaraq komissiya Yelena Netetskayanı sayladı, bunıñ kibi de mahsus komissiya vekâletliklerine dair meselelerni, şu cümleden Mustafa Cemilev teklif etken Qırımda milletlerara munasebetler problemini, tasdiqladı.

Komissiya reisi olaraq Ukraina Yuqarı Şurasınıñ Qararına binaen Böris Deyç tayinlendi.