Mustafa Cemilev: Meclis – bu sadece fikirdeşlerniñ bir gruppası degil de, halq tarafından seçilgen organdır

28 December 2012

Bu aqta Meclis reisi ATR kanalınıñ “Perekröstok” programmasında söyledi

Meclis reisi Mustafa Cemilevniñ Qırım baş naziri Anatoliy Mogilöv ile 2012 senesi oktâbr 2 künü Kiyevde Ukraina Tışqı işler naziri Konstantin Grişçenko, Türkiye Tışqı işler naziri Ahmet Davutoğlu da bulunğan körüşüvde Qırım baş naziri Meclis cemaat teşkilâtı olaraq qayd etilmesi kerekligi aqqında aytqan edi.

“Böyle tekliflernen biz iç te razı degilmiz. Birinciden, Qırımtatar halqınıñ Meclisi – bu teşkilât ya da fikirdeşler birleşmesi degil, halq tarafından saylanğan bir qurumdır. Şu sebepten Qırımda 2 biñge yaqın nasıldır teşkilâtlar içine qarışmaq mümkün degil”, – dep qayd etti Mustafa Cemilev.

Bundan da ğayrı Meclisniñ yolbaşçısı Anatoliy Mogilövnıñ Qırım akimiyet organlarında vekâletlik meselesinde qırımtatarlar aslı da aqsımlanmay, degenini qayd etti

“Qırım baş naziri Anatoliy Mogilöv qırımtatarlar sayısına köre temsil etilmekteler, dey. Eger kerçekten böyle olsa, maña cumhuriyet idarelerinde çalışqan qırımtatarlarnıñ cedvelini bermelerini rica etem. Körermiz ki, bizde üç fayız degil de, bir buçuq fayızdır. Men şunı eminliknen söyleyebilem ki, tamır halqı böyle aqsımlanuvğa oğratılğan başqa iç bir memleket dünyada yoqtır. Tek bizim devletimizde böyle vaziyet”, – dedi Meclis başqanı.

Meclis reisi Mustafa Cemilevniñ bildirgenine köre, Qırım icra organlarında qırımtatarlar vekâletliginiñ meselesi halqara cemaatçılıqnıñ muzakeresine köyülacaq. “Biz bu meselesi Halqara forum çerçivesinde çezecemiz. Halqara cemaatçılıqnıñ fikirini esapqa almağan devlet yoqtır. Biz aynı şu yönelişte areket etecemiz” – dedi M. Cemilev.