Mustafa Cemilev Leonid Kuçma ile körüşti

27 Yanvar 2012

2012 senesi yanvar 28 künü Leonid Kuçmanıñ “Ukraina” Prezident fondunıñ rezidentsiyasında Qırımtatar halqı Meclisiniñ reisi Mustafa Cemilev Ukraina Prezidenti ( 1994-2005ss) Leonid Kuçma ile körüşti.

Körüşüv devamında Ukrainada, cümleden Qırımda da, ağımdaki sotsial-siyasiy vaziyet, devletniñ parlament saylavları arfesinde inkişafı istiqballeri muzakere etildi.

Körüşüv iştirakçileri Ukrainada Qırımtatar halqınıñ öz Vatanında uquqlarını ğayrıdan tiklev, Ukrainada onıñ telükesizligi ve inkişafı meseleleri boyunca Halqara forum keçirüv teşebbüsinde ayrıca toqtaldılar.

Bir çoq meseleler sırasında Mustafa Cemilev şunı da qayd etti ki, Leonid Kuçma prezidentligi devrinde qırımtatarlarnıñ öz-özüni idare etüv organları ve Ukraina devlet organları arasında munasebetlerni keliştirüv tecribesi bugün ğayet zarurdır.