Mustafa Cemilev Kirikkale şeeriniñ kelgen Ticaret Palatasınıñ vekillerini ve onıñ başlığında turğan Harun Sumerni ile körüşti

14 Mart 2011

Aprel 14 künü 2011senesi Milliy Meclis reisi Ukraina halq deputatı Mustafa Cemilev Meclis ofisinde Türkiyede yerleşken Kirikkale şeeriniñ kelgen Ticaret Palatasınıñ vekillerini ve onıñ başlığında turğan Harun Sumerni qarşıladı.

Türk delegatsiyanıñ Qırımdaki ziyareti “ISG Investments” qoltutuvı ile Recep İçin tarafından teşkil olundı. Körüşüvde Milliy Meclisniñ Tışqı alâqalar boyunca idareniñ başı Ali Hamzin iştirak etti.

Meclis başı M.Cemilev ve Ticaret Palata başı Harun Sumerniñ qonuşuvı devamında Ukraina ve hususan Qırım regionlarınıñ içtimaiy-iqtisadiy inkişafınen bağlı suallerni baqar eken öz fikirlerinen deñiştiler. Meclis başı Qırımda türk inıyestitsion siyasetini inkişaf etmek pek kerek olmasını belgiledi.

Bundan ğayrı eki taraf Ukraina, Qırım ve Türkiyeniñ cemaat-siyasiy ömürinde olıp keçken vaqialarnı muzakere ettiler. Ve bunen beraber Türkiyede yaqın kelecekte olıp keçecek parlament ve soñ 2012 senesi baarde keçecek umumhalq prezident saylavları aqqında laf yürsettiler.