Mustafa Cemilev Erdoğannen muzakereler içün esir alınğan “Azov”lılarnıñ cedvelini aldı

13 Noyabr 2024

_{Foto: QIRIM.News}

Meclis ofisinde Ukrainanıñ qırımtatar halqınıñ lideri Mustafa Cemilev, UMGnıñ “Azov” mahsus brigadasınıñ Rusiye esirliginden azat etilgen askerleri Ğennadiy Harçenkonen körüşti.

QIRIM.News bildirgeni kibi, Harçenko Cemilevge esirlikte bulunğan “Azov”lılarnıñ cedvellerini berdi ve olarnı azat etmek içün yardım etmege rica etti.

Mustafa Cemilev Türkiye prezidenti Recep Tayyip Erdoğanğa muracaat etecegini bildirdi, onıñ sayesinde 2022 senesi “Azov” komandanları esirlikten azat etildiler.

“Ğennadiy hasta esirlerniñ cedvellerini berdi ve olarnı azat etmege rica etti. Erdoğanğa tekrar muracaat etecegim”, — dep QIRIM.News jurnalistine Cemilev ayttı.

Rusiye makemesi tarafından 25 senege maküm etilgen Ğennadiy Harçenko “Teregerâ” adınen bu sene orta küz ayında deñişim çerçivesinde azat etildi.

Olenivka müstemlekesinde bulunğan edi ve işğalciler, şu yerni patlatqanda yaralandı. Rusiye esirliginde Harçenko da işkencege oğradı ve bayağı zayıfladı.