Mustafa Cemilev AQŞ ve Şvetsiya diplomatları ile körüşti

17 Mart 2011

Fevral 17 künü Kiyevde Ukraina halq deputatı, Milliy Meclis reisi Mustafa Cemilev Ukrainadaki AQŞ elçihanesiniñ siyasiy bölüginiñ yolbaşçısı Kölin Kliri ile körüşti.

Aynı şu künü Mustafa Cemilev Ukrainadaki Şvetsiya Qırallığınıñ mahsus elçisi Stefan Gullgren ile resmiy üylelik aşında bulundı.

Eki körüşüv devamında Qırımdaki içtimaiy-siyasiy vaziyeti boyunca fikirlerniñ denişüvi olıp keçti.

M. Cemilev vekillerniñ suallerine cevap bererek, topraq meselesiniñ çezüvi boyunca hususiyetler, akimiyet ve halq arasındaki munasebetler, Yaltinskaya soqağında Cuma Cami quruvına ayırılğan yerinen bağlı Aqmescit şeer Şurasınıñ soñki qararı aqqında aytıp berdi. Cemilev bildirgeni kibi, bu saaada birinci müsbet adımlar Qırım nazirler Şurasınıñ reisi Vasiliy Cartınıñ yardımı ile yapıldı.