Moskvada makeme Leniye Umerovanıñ tevqifine qarşı şikâyetni red etti

05 Iyül 2023

Oraq ayınıñ 4-ünde rusiyede Moskva şeer makemesi, rus akimiyetiniñ casuslıq qabaatlağanı Qırımnıñ sakini olğan Leniye Umerovanıñ tevqifine qarşı istinaf şikâyetini red etti. Qırım.Aqiqat bu aqqında haber berdi.

• Oraq ayınıñ 4-ünde Moskva şeer makemesi Lefortovo rayon makemesiniñ Leniye Umerovağa çıqarılğan qararını quvette qaldırdı, – dep bildirildi.

Şu anda Moskva şeer makemesiniñ saytında Leniye Umerovanıñ tevqifine qarşı şikâyetke dair resmiy qararı yoq.

Oraq ayınıñ 1-inde “Qırım uquq qorçalayıcı gruppası” haber berdi ki, RFdaki makeme, Rusiyeniñ tutqanı Qırımnıñ sakini Leniye Umerovanıñ müddetini 4 ayğa uzattı.

Keçken sene ilk qış ayında 25 yaşındaki Leniye Umerova Kıyivden Qırımğa ketmege mecbur edi, çünki onıñ babası onkologiya hastalığını çeke. Gürci-rus sıñırını keçken soñ rus quvetçileri onıñ rejim zonası qaidelerini bozğanı içün onı tuttılar.