Mısırda Qırımtatar halqı soyqırımı qurbanlarınıñ hatırasına ekstremal yaldav olacaq

14 May 2013

Mayıs 18 künü Mısırda Qızıl deñizde Ras-Mohamed tabiat qoruğından başlap Hurgada şeeriniñ yalısına qadar 100 kilometrlik yaldav başlanacaq.

Bu tedbir qırımtatar halqı soyqırımı qurbanlarınıñ hatırasına, qırımtatarlarnıñ Vatanlarından sürgün etilgenleriniñ 69 yıllığına ve cinaiy kommunist rejiminden elâk olğanlarnıñ ruhuna bağışlana.

Bu aqta Qırımtatar halqı Meclisiniñ tışqı alâqalar bölüginiñ başı matem künü tedbirlerini azırlav ve keçirüv boyunca teşkiliy komitetniñ toplaşuvında haber etti.

“Yaldav yahtadan közetilip baracaq, – dedi Hamzin. – Yaldav iştirakçileri – marafondı yaldavcı. Ukraina rekordlar kitabınıñ rekordçısı, sabıq dissident ve siyasiy mahbüs Öleg Sofânik, Moskvadan sabıq siyasiy mahbüs Şamil Alimuradov, Estoniya milliy azatlığı içün küreşken İmre Arakas ve Çerkassıden marafoncı yaldavcı Anatoliy Vâletstir”.

100 kilometrlik mesafeni 4-5 künde keçmek planlaştırıla. Tedbirniñ teşkilâtçıları ve iştirakçileriniñ söylegenlerine köre bu yaldavnen olar sürgünde elâk olğanlarnıñ hatıralarını añmaq, bugünde-bugün yaşağan bütün insanlarnı kelecekte böyle facianıñ tekrarlanmasına yol bermemege çağırdılar.

“Bizim maqsadımız kommunizm mevkuresiniñ ne derecede vahşiy olğanını köstermek edi. Bunı aynı şimdi, kommunist ve sovetlerge meyil bergen teşkilâtlar başını köterip, akimiyetke keçmege ıntılğan, qanlı terror niyetini beslegen vaqıtlarında pmaq mıtlaqa zarur”, – dediler aktsiya teşkilâtçıları.