Milliy Meclis Moskvadaki “Domodedovo” ava limanında terroristik akt qurbanlarnıñ ailelerine teren taziyesini bildire

25 Dekabr 2011

Moskvadaki “Domodedovo” ava limanında yanvar 24 künü olğan patlav aqibetinde 35 adam elâk olıp, 100den ziyadesi ağır yaralandılar.

Elâk olğanlar ve yaralanğanlar arasında Rusiye ve digger memleket grajdanları, çeşit din ve medeniyet vekilleri bar edi.

Bu vahşiyane cinayetniñ teşkilâtçıları facia yeri olaraq pek çoq adam toplanğan ava limanını seçkenleri tınç ealini qorquzmaq niyetlerinden delâlet bere.

Bu cinayetke qol urğanlar, angi sebeplerni kösterse köstersinler , aqlanılmaycaq qatillerdir.

Milliy Meclis terroristik akt qurbanlarnıñ ailelerine teren taziyesini bildire, denile taziyenamede.