Milliy Meclis kubogı içün futbol boyunca yarı final oyunlarınıñ iştirakçileri belgilendi

27 May 2013

Futbol yarışlarında yarıfinalğa çıqmaq içün 6 bölgede oyunlar neticesine köre Qurman rayonınıñ Kalinino köyünde keçirilden oyunda Bağçasaray, Aqmescit, Kezlev, Lenino, Saq, Canköy ve İçki qasabalarından 8 taqım küreşti.

Stadionda dostluq ve özara sayğı müiti üküm sürip, seyirciler dülber ve semereli futbol körmege kelgenler.
Oyun neticeleri, gol ve gol urmaq içün imkânlar eñ talapkâr futbol mühlislerini bile qanaatlendirdi. Seyirciler böyle yahşı oyun içün em futbolcılarğa, em yarışnıñ teşkilâtçılarına teşekkürler bildirip, bu kibi turnirlerni devamlı keçirmekni teklif ettiler.

Çerik final matçlarınıñ neticeleri:

Bağçasaray- Kezlev – 7:1

Aqmescit -1 – İçki – 4:0

Canköy-Saq – 3:2

Kirovskoye-Lenino – 3:5

Yarıfinal oyunları içün pyanke çeküv 8 taqım ve seyirdcilerniñ ögünde futbol stadionında açıqtan-açıq yapıldı.

Neticede yarı final oyunlarında şu taqımlar yarışlaşacak:

Bağçasaray-Canköy

Simferopol-1 – Lenino

Yarı final oyunları sentâbr ayında olacaq. Keçirilecek vaqtı ve yeri Meclis kubogı içün futbol yarışı keçiyuv Teşkiliy komitet tarafından belgilenecek.