Mesele devlet seviyesinde çezilmeli

25 Dekabr 2011

Sovet ükümeti tarihında Ulu Vatan cenki arfesinde ve devamında ayrı milletler ve etnik gruppalarğa qarşı olğan repres-siyalarnıñ facialı saifelerinden biri – Qırımdan qırımtatar, nemse, ermeni, bulğar ve urumlarnen bağlıdır.

Mayıs 16 künü QYUŞ milletlerara munasebetler ve sürgün olunğan grajdanlar-nıñ işleri boyunca daimiy komissiyanıñ reisi Remzi İlyasov çeşit matbuat vastalarında çalışqan jurnalistlernen körüşip, o facialı künler ve olarnıñ aqibetleri aqqında fikir yürset-ti.

Vatan toprağından bir şeysiz sürgün olunğan halqlar açlıq çekip, hastalıqlarğa oğrap, başını köterip, yañıdan ayat qurmağa küç taptı, millet olaraq saqlanıp, kene Qırımğa qaytıp keldi . 1989 senesinden başlap 2010 senege qadar Qırımğa 260 biñ qırımta-tarı, 589 – ermeni, 855 – bulğar, 2579 – rum ve 884 – nemse qaytıp keldi. Halqlarnıñ qaytuv ve yerleşuv ceryanı alâ daa bitmedi, Qırımdan tış memleketlerde daa 100 biñden ziyade qırımtatarı yaşamaqta. R. İlyasovnıñ bergen malümatlarına köre, 1991 senesinden berli devlet, 1999 seneden ise cumhuriyet bücetinde ayrı satırnen sürgün olunğan halqlarnıñ yerleşuv Programmasına para ayırılğanı, ve bu seneler de-vamında cümleden 1259, 2 million grivnânı teşkil etkeni aqqında ayttı. 1991-2010 seneleri devamında ayırılğan devlet parasına 6300 ev ve kvartiralarda 36 biñ adam yerleştirildi, 130 biñ qırımtatarı ev-lerini tolusınen, ya da qısmen qurıp bitirdiler. Şimdiki vaqıtta şeer ve köy şuralarında 7,5 biñ qoranta mesken almaq içün nevbette tura, 16 biñ qoranta mesken qurucılığına yardım almaq içün ne-vbette turalar.

Qırımğa avdet olğan halqnıñ yerleşuv problemasınıñ çezi-lüvi “2015 senesine qadar repatriantlarnı yerleştirüv Programması” alâ daa qabul olunmağanınen bağlı.