Menu 
Merkeziy saylav komissiyası Qırımtatar halqı Qurultayına delegatlarını saylav içün memuriy-territorial qurumlarnıñ sıñırlarında kvotalarnı tasdiqladı
02 February 2013
Fevral 1 künü Qırımtatar halqı Qurultayı Merkeziy saylav komissiyasınıñ nevbetteki toplaşuvında Qırımtatar halqı Qurultayına delegatlarını saylav içün Qırım Muhtar Cumhuriyeti, Zaporojye ve Herson vilâyetleri kibi memuriy-territorial qurumlarnıñ sıñırlarında kvotalarnı tasdiqladı.
Qarar Merkeziy saylav komissiyasınıñ nizamlarına esaslanaraq alınıp, kvotalar aşağıdaki tertipte belgilendi:
| № | Çoqmandatlı majoritar saylav daireleri meydanğa ketirilecek rayonnıñ adı | Delegat mandatlarınıñ sayısı |
| 1 | Aluşta şeeri ve Aluşta şeer şurasınıñ hududına kirgen köy ve qasabalar | 2 |
| 2 | Bağçasaray rayonı | 17 |
| 3 | Qarasuvbazar rayonı | 16 |
| 4 | Canköy rayonı, şu cümleden Canköy şeeri | 16 |
| 5 | Kezlev şeeri ve Kezlev şeer şurası hududına kirgen köy ve qasabalar. | 6 |
| 6 | İslâmterek rayonı | 12 |
| 7 | Qurman rayonı | 12 |
| 8 | Or qapı regionı, şu cümleden Ermeni bazar ve Krasnoperekopsk şeeri | 6 |
| 9 | Keriç şeeri ve Keriç şeer şurasınıñ hududına kirgen köy ve qasabalar | 2 |
| 10 | Lenin rayonı | 8 |
| 11 | Seytler rayonı | 7 |
| 12 | Curçı rayonı | 5 |
| 13 | Aqşeyh rayonı | 3 |
| 14 | Saq regionı, şu cümleden Saq şeeri | 12 |
| 15 | Aqmescit şeeri | 19 |
| 16 | Aqmescit rayonı | 25 |
| 17 | Aqyar regionı | 3 |
| 18 | İçki rayonı | 6 |
| 19 | Sudaq şeeri ve Sudaq şeer şurasınıñ hududına kirgen köy ve qasabalar | 5 |
| 20 | Kefe şeeri ve Kefe şeer şurasınıñ hududına kirgen köy ve qasabalar | 3 |
| 21 | Aqmeçit rayonı | 3 |
| 22 | Yalta şeeri ve Yalta şeer şurasınıñ hududına kirgen köy ve qasabalar | 2 |
| 23 | Zaporojye vilâyeti | 2 |
| 24 | Herson vilâyeti | 5 |
| 25 | Kiyev şeeri ve Kiyev vilâyetiniñ hududına kirgen köy ve qasabalar | 1 |
| 26 | Özbekistan Cumhuriyeti | 2 |
| CEMİ | 200 |
Bunıñ kibi de, Merkeziy Saylav komissiyası er bir regional meclisniñ reberine tasdiqlanğan kvotalar sayısı aqqında şahsen bildirmek ve fevral 6-ğa qadar çoqmandatlı saylav daireleri, delegatlıqqa namzetler, saylav dairelerniñ sıñırları ve onda yaşağan qırımtatar aileleri ve azaları, saylavcılarnıñ sayısı boyunca öz tekliflerini bildirmekni tevsiye etti.
Böyleliknen, “Qırımtatar halqı qurultayınıñ delegatlarını saylav nizamı”nıñ 14.1 ve 14.2 maddelerine binaen belgilengen kvotalar çoqmandatlı majoritar dairelerniñ tizilmesine “yol” açıla. Merkeziy saylav komissiyası mezkür Nizam esasında saylav vesiqalarnıñ blanklarını da tasdiqladı.
Komissiyanıñ nevbetteki toplaşuvında regional meclislerden tüşken tekliflerge köre çoqmandatlı majoritar saylav dairelerniñ sayısı ve sıñırları, nomerleri tasdiqlanacaq.
