Mecliste Celâlnen azerbaycan diasporası körüşti

25 Iyül 2024

_{Foto: QIRIM.News}

Kıyivde yaşağan azerbaycanlılar, Qırımtatar Milliy Meclisiniñ başınıñ birinci muavini Nariman Celâlnı rus esirliginden azat etilgeni içün hayırladılar.

Qırımtatar Milliy Meclisiniñ ofisinde Celâlnen körüşüv olıp keçti, dep QIRIM.News haber berdi.

Azerbaycanlılarnıñ teşebbüs gruppasınıñ başı Yalçın Qahramanoğlu qayd etti ki, Celâl intelektualdır ve Qırım içün küreşe.

“Tamam onıñ milliy işine saqıd olğanı sebebinden onı azat etmek içün yüzlerce insan küreşke qoşuldı”, – dep qayd etti o.

Qahramanoğlu Ukrainanıñ tamır halqı olğan qırımtatarlarğa yaqın kelecekte evge, işğalden azat etilecek Qırımğa, qaytmağa tiledi.

“Bizim, azerbaycanlılarnın, qırımtatarlarnen bir kökümiz ve bir liderimiz bar”, – dep Qahramanoğlu qayd etti.