Meclisniñ reisiniñ Mustaqillik Kününen hayırlavı

24 Avgust 2024

Ukrain milletiniñ tarihında Mustaqillikten daa çoq zarar körgen şey yoq. Ukrainalılarnıñ nesilleri aqiqiy serbestlik ve mustaqil devlette yaşamaq içün küreşte ediler. Bütün vaqıtları Ukraina mustaqilliginiñ eñ küçlü duşmanı olğan Moskva, bugünde-bugün mustaqil Ukraina devletini ve ukrain milletini yoq etmek içün büyük cenkni başlattı.

Yaqın qomşular olıp, qırımtatar ve ukrain halqları sıq-sıq asırlar devamında agressiv qomşularnıñ basqınlarına qarşılıq köstermek içün arbiy ittifaqalarda birleşe ediler. Şimdi eki halq yekâne Ukraina devleti tarafından birleştirildi. Qırımtatar halqınıñ tarihiy vatanı olğan Qırım, Ukraina devletiniñ ayırılmaz bir parçası oldı, Ukraina devletiniñ topraq bütünliginiñ qoruvı ve Qırım üzerinde Ukraina devlet suverenitetiniñ ğayrıdan tiklenüvi ise ukrain milletiniñ ve tamır qırımtatar halqınıñ serbest inkişafı içün yekâne şarttır.

Varvar Rusiyeni yeñip, mustaqil Ukraina devletini yañıdan qurıp da, inkişaf etecekmiz.

Bütün vatandaşlarnı Ukraina Mustaqilliginiñ tiklenilmesiniñ 33-ünci yıllığı munasebetinen hayırlayım ve Rusiye duşmanına qarşı tez vaqıtta Ğalebe tileyim!

Ukrainanıñ şan-şerefi olsun!

Qaramanlarımıznıñ şan-şerefi olsun!

Refat Çubarov,

Qırımtatar Milliy Meclisiniñ reisi

2024 senesi arman ayınıñ 24. künü