Meclisniñ IRI–Ukraina vekilleriniñ körüşüvi

06 December 2024

İlk qış ayınıñ 4-nde Qırımtatar Milliy Meclisiniñ Kıyiv ofisinde Qırımtatar Milliy Meclisiniñ reberligi ve azaları Ukrainada Halqara cumhuriyet institutınıñ (IRI-Ukraina) yañı tayin etilgen müdiri Kreg Holsted ve onıñ Kıyivdeki taqımınıñ azalarınen: müdirniñ muavini Tımoti Stoutzenberger, Qırım programmasınıñ reberi Ayar Memetov, Qırım programmasınıñ reberiniñ yardımcısı İvan Dağavem ve içtimaiyat tetqiqatları programmasınıñ reberi Lesâ Homenkonen körüştiler.

IRI–Ukraina ve Qırımtatar Milliy Meclisi arasında işbirlik uzun müddetke maliktir, onıñ sayesinde çeşit yıllarda qırımtatar cemaat teşkilâtlarınıñ pekitilmesine ve olarnıñ Ukraina içtimaiy-siyasiy ayatına integratsiyasına doğrultılğan çeşit programmalar muvafaqiyetnen ömürge keçirilgen edi.

Körüşüv devamında IRI–Ukraina tarafından 2024 senesi oraq-berim aylarında keçirilgen Qırımnıñ reintegratsiyası meseleleri boyunca 8 fokus-gruppa muzakereleriniñ neticeleri taqdim ve muzakere etildi.

IRI–Ukraina ve Qırımtatar Milliy Meclisi Qırım ve tamır qırımtatar halqınen bağlı meselelerde işbirligini devam etmege añlaştılar.