Meclisniñ gumanitar meseleler koordinatsiya merkezi tahliye etilgen qırımlılarğa yardım berecek

26 Sentâbr 2022

Ukraina vatandaşlarınıñ – Qırımnıñ sakinleriniñ rusiye silâlı quvetlerine qanunsız ve cinaiy mobilizatsiyası neticesinde vaqtınca işğak etilgen Qırımda olğan facia vaqialarınen bağlı ve vatandaşlarğa üçünci ülkelerge ketmeknen bağlı meselelerni çezmege yardım etmek maqsadınen Qırımtatar Milliy Meclisi, Gumanitar meseleler koordinatsiya merkezine vatandaşlarımızğa bütün malümat ve diger şekilde yardımını öz üstüne almağa avale etti.

Elvin Kadırov ve Yusuf Kurkçi bu yönelişniñ idarecileri vazifesine tayinlendi. Bütün vatandaşlarnı – vaqtınca işğal etilgen Qırımnıñ sakinlerini Gürcistan ve Qazahistandan kiriş/transit keçüvi/çıqış ve başqa ülkelerde bulunma meselelerinen Koordinatsiya merkezine hitap etmege rica etemiz:

• +380508518294, +380635767740 (WhatsApp, Telegram) telefon nomeraları;
• elektron poçta yardimlashma2022@gmail.com;
• https://www.facebook.com/mejlis.coordination.center/ saifesi;
• https://t.me/qirim_evacuate Telegram-kanalı vastasınen.

Ukraina vatandaşları – Qazahistannıñ topraqlarına ketken vaqtınca işğal etilgen Qırımnıñ sakinleriniñ ihtiyacı olsa, aşağıdaki idarecilernen bağlanıp kerekli mesleat ala bilirler:

Astana şeeri:

• Ruslan Maştakov, nom. +7 701 812 13 13

Almatı şeeri:

• Uriye Kurtaşırova, nom. +7 777 757 80 07

• Liliya Alimova, nom. +7 701 789 06 98

Qırımtatar Milliy Meclisiniñ gumanitar meseleler koordinatsiya merkezinden kelecek bütün malümat maqbul Telegram-kanallarında ve içtimaiy ağlarda yayınlanacaqtır.

Bundan ğayrı, Meclisniñ Koordinatsiya merkezi, işğal etilgen Qırımdan çıqış ceryanında peyda olğan aktuaş meselelerge cevaplarnı almağa yardım etecek @qirim_tahliye_bot çat-botunı işletecek.