Meclisniñ Başınıñ ilk muavini Nariman Celâlnıñ 43. doğğan künü

27 Aprel 2023

2021 senesi berim ayınıñ 4-ünde tevqif etilgen ve bundan soñ rus işğalcileri tarafından 17 senege maküm etilgen Nariman Celâl 43. doğğan kününi qayd ete.

Rus işğalcileriniñ yapqanı makeme vaqtında soñ sözüni aytqanda Nariman Celâl bunı bildirdi:

– Men eminim ki, öz halqını ve öz devletini – Ukrainanı qorçalayaraq, men böyle maqsatnı qoydım ve onı yerine ketirmek içün areket yapa edim: bütün insanlarnıñ menfaatları, aq-uquqları, varlığı ve barışıqlı ayatını qorçalamaq. Çünki men, Qırımnıñ tamır halqınıñ – qırımtatarlarnıñ – varlığını demokratiyasız tasavur etemem. Çünki demokratiyanıñ qaideleri ve mehanizmleri bütün insanlarnıñ menfaatına işlemeliler. Aynı zamanda çoq senedir zorbasız siyasiy küreşniñ tarafdarı olaraq, vatandaşlarımnıñ, şu cümleden qırımtatarlarnıñ, köstergenleri dayanaqlığı ve cesüri içün ğurur duyam. Olar, öz devletini sebepsiz arbiy tecavuzdan qorçalaylar. Eki taraftaki on biñlerce tınç yaşağan insan ve asker bu tecavuznıñ qurbanı oldı.

Bizim cesür qardaşımmız Nariman Celâlnıñ doğğan kününde beraber köstergeni cesareti içün oña ve ailesine destek ve ğurur sözleri bildiremiz.

Şübemiz yoq ki, yaqın kelecekte rusiyeniñ işğal etkeni Qırım azat etilecek, Nariman Celâl ve rus epishanelerinde bulunğan bütün cesür vatandaşlarımız serbest olacaqlar ve vatani olğan Qırımda halqınen birleşecekler.

Hayırlı yaşlar olsun Narıman dostum!

Refat Çubarov, Qırımtatar Milliy Meclisiniñ Başı.