Meclisniñ başı Latviya Prezidentinen körüşti

07 Sentâbr 2022

Sentâbr ayınıñ 5-6 künlerinde Meclisniñ başı Latviyada olğanda Latviya Prezidenti Ehils Levits ve Latviya Parlametiniñ Spikeri İnara Murniyetse Refat Çubarovnı ve Latviyadaki Ukraina elçisi Oleksandr Mişçenkonı qabul ettiler.

Latviya devletiniñ başı qayd etti ki, devletimizniñ tecavuzcı bir devlet olğan rusiyeni ğalebe qazanacağına qadar Latviya Ukrainağa ve ukrain halqına yardım etecek.

Refat Çubarov Latviya Prezidenti ve Spikerini işğal akimiyetiniñ qırımtatar ealisine qarşı yapqanı repressiyalar ve taqiplerge dair Qırımdaki zemaneviy vaziyetni añlattı. Bu cümleden, rusiyeniñ bir taraftan qırımtatarlarnı yardımadadan çıqarmaqnen, başqa taraftan ise rfnıñ tahminen 1 mln vatandaşını ketirmeknen Qırımdaki demografik vaziyetni suniy tarzda deñiştirmege tırışması kontekstinde.

Meclisniñ Başınıñ sözlerine köre, Qırımnıñ işğal akimiyeti tarafından qırımtatarlar şiddetli repressiyalarğa oğraştırılalar, tahminen 170 kişi episte tutula.

Latviya Spikeri İnara Murniyetsenen körüşüv vaqtında Ukraina elçisi, Ukraina Yuqarı şurasınıñ Başı Ruslan Stefançuktan ve Hırvatistan Parlamentiniñ Spikeri Hordan Platformadan davetnameniñ kopiyasını berdi. Ukraina ve Hırvatistannıñ 2022 senesi oktâbr ayınıñ 25-inde Zahreb şeerinde beraber teşkil etecegi Qırım Platforma sammitinde onı iştirak etmege davet ettiler. Latviya Parlamentiniñ Spikeri bu tedbirde iştirak etmege razı olğanını evelden bildirdi.