Meclis ve “AI for Good” Fondu işbirlik aqqında añlaşma imzaladılar

29 Avgust 2024

Arman ayınıñ 28-nde Qırımtatar Milliy Meclisiniñ reisiniñ birinci muavini Nariman Celâl ve “AI for Good” Fondunıñ kontent ve kommunikatsiyalar müdiri Olena Kuk işbirlik aqqında memorandum imzaladılar.

“Taraflar Ukraina devletine qarşı Rusiye Federatsiyasınıñ silâlı istilâsı ve Qırımnıñ vaqtınca işğali ve ilhaqı boyunca ruslarnıñ qırımtatarlarğa qarşı yapqan cinayetleri aqqında malümatnı toplamaq ve qayd etmek içün mehanizmni meydanğa ketirmek, kirsetmek ve inkişaf ettirmek içün işbirlik aqqında añlaştılar”, – dep vesiqada qayd etildi.