Meclis tışqı alâqalar bölüginiñ başı Ali Hamzin «David ve Göliaf: az sayılı halqlar totaliat rejimi altında» mevzusındaki konferentsiyada iştirak etecek

15 March 2013

2013 senesi mart 19-da Brüsselde Avropa parlamentinde ХХ asırda az sayılı halqlarnıñ facialı taqdirine bağışlanğan “David ve Göliaf: az sayılı halqlar totalitar rejimi altında” mevzusında konferentsiya ötkerilecek. Onıñ teşkilâtçıları qayd etkenine köre, bir çoq böyle halqlar milliy, diniy mensüpligi sebebinden aqsımlanıp, medeniyetleri, tili, din ive milliy özgünligi yoq etilüvge mahküm etilgen edi.

“Avropa Birligi keçmişte pek horlanğan bu az sayılı halqlarnıñ taqdirine bugün de bifarq yanaşmamalı ki, şimdiki zamanda böyle facialar tekrarlanmasın”, – dep qayd eteler konferentsiya teşkilâtçıları.

Konferentsiya teşkilâtçılarınıñ biri, professor, Avropa Parlamentiniñ deputatıt İnessa Vayderanıñ daveti boyunca onıñ işinde Meclis tışqı alâqalar bölüginiñ başı Ali Hamzin de iştirak etecek.

Ali Hamzin konferentsiyada ” Qırımtatar halqına nisbeten kommunist rejiminiñ cinayetleri” maruzasınen çıqışta bulunacaq.