Meclis reisi Şimaliy Qıbrız Türkiye Cumhuriyetini ziyaret etti

19 Yanvar 2012

Şimaliy Qıbrız Türkiye Cumhuriyetiniñ esasçısı ve birinci prezidenti Rauf Denktaşnıñ cenazesinde iştirak etmek içün Şimaliy Qıbrız Türkiye Cumhuriyetine ziyareti çerçivesinde Qırımtatar halqı Meclisiniñ reisi Mustafa Cemilev yanvar 17 künü bergen üyle yemeginde Şimaliy Qıbrız Türkiye Cumhuriyeti parlamentiniñ reisi Hasan Bözer, Kosovo, Bösniya, Makedoniyadan kelgen siyasiy ve cemaat erbapları bulundılar.

Aynı şu künü Mustafa Cemilev Şimaliy Qıbrıznıñ Yaqın Şarq universitetinde oquğan qırımtatar studentlerinen körüşti.

Şunı hatırlatmalı ki, Şimaliy Qıbrız Türkiye Cumhuriyetiniñ esasçısı ve birinci prezidenti (1983-2005 ss.) Rauf Denktaş 2012 senesi yanvar 13-te 88 yaşında vefat etti. Rauf Denktaşnıñ devlet seviyesinde cenazesi 2012 senesi yanvar 17-de Lefkoşa şeerinde oldı.