Meclis reisi Refat Çubarov Qırım Yuqarı Şurasınıñ reisi Vladimir Konstantinov ile körüşti

25 Fevral 2014

Fevral 25 künü Meclis reisi Refat Çubarov ve onıñ muavinleri Zaur Smirnov ve Ahtem Çiygoz Qırım Yuqarı Şurasınıñ reisi Vladimir Konstantinov ile körüştiler. Yuqarı Şura reisiniñ muavinleri Grigoriy İoffe ve Sergey Doniç te iştirak etken bu körüşüvde Qırım Yuqarı Şurasınıñ yarın fevral 26 künü saat 15.00-te ötkerilmesi belgilengen sessiya munasebetinen Qırımdaki vaziyetniñ ketişatı muzakere olundı. ve

Taraflar bir sıra meseleler, şu cümleden Qırım ükümetiniñ faaliyeti ve istifağa çıqarılmasınen bağlı, hususında fikir paylaştılar.
Muzakere etilgen meseleler boyunca söyleşüvlerni devam ettirmek qararı alındı.