Meclis reisi qırımtatarlarına Ukraina vatandaşlığından çıqmamaqnı tevsiye ete

26 Mart 2014

İşğal etilgen Qırımda yaşağan qırımtatarlarğa Rusiye pasportlarını red etmeyip, ukrain pasportlarını da qaldırmaq tevsiye etildi.

Azatlıq radiosı haber etkenine köre bu aqta Meclis reisi Refat Çubarovnıñ qırımtatar cemaat teşkilâtlarınen körüşüvi vaqtında söz yürsetildi.

“Biz insanlarğa: vaziyet böyle… Siz bu vaziyetni seçmediñiz, amma bu vaziyette yaşamaq zorundasıñız. Biraz vaqıttan Rusiye Federatsiyası sizge pasportlar berecek, amma Ukraina devleti de sizni öz vatandaşları, dep sayacaq, çünki siz bu vatandaşlıqtan çıqmadıñız”, – dedi Çubarov.

Ukraina qanunlarına köre Rusiye vatandaşlığını almağa istegen Ukraina sakinleri ukrain vatandışlığından vazgeçmeyler. Lâkin diger devletniñ vatandaşlığını göñülli olaraq keçmek Ukraina vatandaşlığı aqqını ğayıp etmek içün esas olabilir.

Azatlıq radiosınıñ yayınında Ukraina Nazirler kabinetiniñ naziri Ostap Semerak Rusiye pasportlarını alğan qırımlılarnı Ukraina öz vatandaşları, dep saya.