Meclis reisi Mustafa Cemilevge «Türk ocaqları» mukâfatı berildi

18 Aprel 2012

2012 senesi aprel 18 künü Qırım Nazirler şurasınıñ reisi Anatoliy Mogilöv reberliginde Qırım eyyetiniñ Türkiye Cumhuriyeti Tışqı işler naziri Ahmet Davutoğlunen resmiy körüşüvi yekünlengen soñ söyleşüvlerde iştirak etken Qırım türkleri medeniyet ve yardımlaşuv derneginiñ Anqaradaki umumiy merkezi idaresiniñ azası Murtaza Essenkal Meclis reisi Mustafa Cemilevge Ğalip Erden adına “Türk Ocakları” mukâfatını taqdim etti.

Belli kit, Mustafa Cemilev ve türkşınas professor Cevat Heyyetni (İran) mezkür mukâfatnen taqdirlev aqqında qarar “Türk ocaqları”nıñ bu sene aprel 14-te Anqarada Medeniyet ve turizm nazirliginiñ sarayında olıp keçken 42-nci qurultayında ilân etilgen edi.