Meclis reisi Mustafa Cemilev ve Qıbrız Yaqın şçarq universitetiniñ rektorı, professor Suat Günsel uzun müddetli eki taraflarama işbirlik aqqında añlaşma imzaladılar

15 Sentâbr 2011

Qırımtatar halqı Meclisiniñ reisi  ve Qıbrızdaki Yaqın Şarq universitetiniñ rektorı Suat Günsel 2009 senesi avgust 15-te Ukraina ve Şimaliy Qıbrız Türk Cumhuriyeti arasında dostane munasebetler, ukrain-türk ticaret munasebetleri ve bunıñ kibi de iqtisadiy, tehnikiy, ilmiy ve medeniy saalarda emekdaşlıqnı pekitüv añlaşmaları  çerçivesinde uzun müddetli muqaveleni imzaladılar.

Qırımtatar halqı Meclisiniñ teklifi boyunca Qırımdan Yaqın Şarq Qıbrız universitetiniñ iqtisadiy ve içtimaiy fakultetlerinde aliy malümat almaq içün  3 adam yollanılacaq.

Taraflar Yaqın Şarq Qıbrız universitetine kirecek talebeler Qırımtatar halqınıñ Meclisi tarafından teşkil etilgen saylavda belgilenecekler. Muqavele çerçivesinde altı nefer qırımtatar gençi mına endi eki yıldan berli şu universitetniñ studenti ve magistrantılar.

Bu uzun müddetli leyhanıñ koordinatorları Meclisniñ Qıbrızdaki temsilcisi Selâmi Qaçamaq ve Meclis medeniyet ve tasil idaresiniñ başı, “Maarifçi” birleşmesiniñ reisi  Safure Kacametovadır.

Şu sene avgust ayınıñ ortalarında “Maarifçi” birleşmesiniñ ofisinde namzetler arasında  ana tili ve ingliz tilini bilgenler seçip alındı.  Arzı Emirova, Leylâ Mamutova, Alime Çurlu ve İlyas Hocametov sınavdan muvafaqiyetli keçtiler. Sentâbrniñ başında olarnı Milliy Meclis reisi Mustafa Cemilev qabul etip, oquvda başarılar tiledi.

Bu afta gençler Qıbrızğa keteler.