Meclis reisi Mustafa Cemilev iş ziyaretinen Türkiyege ketti

17 Aprel 2012

Qırım Nazirler şurasınıñ reisi Anatoliy Mogilöv reberliginde Qırım delegatsiyası resmiy ziyaretnen Türkiye cumhuriyetine yol aldı.

Delegatsiya erkânına Qırım Nazirler şurasınıñ reisi Anatoliy Mogilöv, Qırım iqtisadiy inkişafı ve ticaret naziri Svetlana Verba, Qırımtatar halqı Meclisiniñ reisi, Ukraina halq deputatı Mustafa Cemilev, Ukraina halq deputatı Böris Deyç, Qırım Nazirler şurası reisiniñ mesleatçısı Refat Kenjaliyev, Ukraina Tışqı işler nazirligi üçünci departamenti direktorınıñ muavini Ölga Çubrikova kirdi.

Ziyaret çerçivesinde Qırım delegatsiyası Türkiye Cumhuriyeti Tışqı işler naziri Ahmet Davutoğlu, Türkiye Büyük Millet Meclisiniñ başı Cemil Çiçek ile körüşip, Mustafa Kemal Atatürk anit qabiri ziyaret etilecek..

Bundan da ğayrı cumhuriyetniñ yetekçi nazirleri ve idare yolbaşçıları, Türkiyeniñ iş adamları ve TİKA reberlerinen körüşüvler de közde tutula.