Meclis reisi Mustafa Cemilev «Bala Yevrovideniyesi»nde Ukrainanı temsil etken Alim Hakimovğa yeñiş tiledi

22 Iyül 2013

Qırımtatar halqınıñ Meclisine üç balanıñ anası Fakiye Hakimova muracaat etip, “Bala Yevrovideniyesi 2013” leyhasına Ukrainadan keçken yekâne qırımlı ve qırımtatarı, oğlu Alim Hakimovğa destek köstermelerini rica etti.

Alimniñ anası söylegenine köre, oğlan muzıkanen soñki eki yıl devamında oğraşmaqta, amma işkirligi ve güzel sesi sayesinde “Tatlı ses” yarışında ğalebe qazandı, “Qara deñiz yanında” “Tavrida yıldızları” festivallerinde baş mukâfatnı elde etti.

Bundan da ğayrı “1+1” ukrain televizion kanalı Alimni 2013 senesi “Bala sesi” leyhasında iştirak etmege çağıra.

Fakiye Hakimovanıñ aytqanına köre onıñ yardım sorap ricasına Ukraina halq deputatı Yelena Netetskaya, qırımtatar ATR kanalı ve “Qırım inkişafı fondı” da seslenip, yardımda bulundılar. Yarışnıñ finalında Alim Hakimov “Prostі slova”(Sade sözler) yırını icra etecek.

Bu sene “Yevrovideniye” Bala yır yarışı keçken sefer Ukrainadan onda Nastâ Petrik yeñgeni sayesinde Ukrainada keçirilmekte. “Yevrovideniye-2013” Bala yır yarışı “Ukraina” sarayında noyabr 30 künü keçirilecek. Yarışta iştirak etecegini 8 devlet tasdiqladı, daa 6 devletten iştirakçiler kelecegi bellisiz.
 

Fotoresimler Alim Hakimovnıñ vk.com saifesinden alındı