Meclis reisi Mustafa Cemilev

05 Iyül 2012

Türkiyeniñ Anqara şeerinde faaliyet köstergen “MAZLUMDER” – İnsan aqları ve mazlum halqlarnen göñüldeş birleşmesi Qırımtatar halqı Meclisiniñ reisi, Ukraina halq deputatı Mustafa Cemilevni “İnsan aqları oğrunda küreş içün” mukâfatınen taqdirledi. Bu aqta “MAZLUMDER” birleşmesiniñ haberlerine esaslanaraq QHA bildire.

Mukâfat saibine 2012 senesi dekabr 8 künü Anqara şeerinde Qocatepe Medeniyet merkezinde İnsan aqlarını qorçalav kününe bağışlanğan tedbirde berilecek.

Tedbirde “MAZLUMDER” birleşmesiniñ azaları. Akademikler, yazıcılar, cemaat ve siyasiy teşkilâtlarnıñ vekilleri iştirak etecek.

“MAZLUMDER” birleşmesi 1991 senesi yanvar 28-de bir gruppa insan cemi vatandaşlarnıñ, kim olmalarından qatiy nazar, aqlarını qorçalamaq qararına keldiler. Birleşmeniñ faaliyeti insan aqları ve serbestligini qorçalavdan ibarettir.