Meclis reisi M.Cemilev ukrain resmiy delegatsiyası erkânında işç ziyaretinen Türkiyege yol aldı

22 Dekabr 2011

Ukraina Prezidenti V.Yanukoviç dekabr 22-de resmiy ziyaretnen Türkiye Cumhuriyetine keldi. Ukraina delegatsiyasınıñ erkânına Qırımtatar halqı Meclisiniñ reisi, Ukraina halq deputatı Mustafa Cemilev de kirdi.

Ziyaret çerçivesinde devlet yolbaşçısı Türkiyeniñ Prezidenti Abdulla Gül ve Baş nazir Recep Tayip Erdoğan ile körüşmesi közde tutula.

Ukraina delegatsiyası resmiy ziyaretiniñ neticelerine köre Meclis reisi M. Cemilev Türkiye Cumhuriyeti ükümetiniñ vekillerinen körüşüvlerni devam etecek.