Meclis reisi M.Cemilev Novergiyağa taziye bildirdi

26 Mart 2011

Meclis reisi Mustafa Cemilev Norvegiyanıñ Qıralı Garald V Cenabı aliylerine iyül 22 künü Üteya adası ve Osloda yüz bergen facialı adiseler munasebetinen taziye bildirdi.

NORVEGİYA QIRALI

GARALD V

CENABI ALİYLERİNE

Cenap Aliyleri!

Novergiyanıñ başına tüşken bu müsibetli künlerde Qırımtatar halqı ve şahsen kendimniñ adımdan Oslo ve Üteya adasında yapılğan vahşiy cinayetlik aqibetinde elâk olğanlarnıñ aile ve aqrabalarına teren taziye bildirip, zarar körgenlerge tezce tüzelmeleri ve sağlıqlarını tileyim.

Eminmiz ki, böyle şiddetli darbege baqmadan norveç halqı oña ait sebat ve cesürliknen bu sınavdan da yahşı keçip, adaletlik, merhametlik ve insanseverlik printsiplerine sadıq qalır.

Biliñiz ki, b u ağır künlerde göñüllerimiz norvegiyalılarnendir

Sayğılarım ile
Qırımtatar halqı Meclisiniñ reisi      Mustafa Cemilev
 

Hatarlatamız ki, 2011 senesi iyül 22-de Norvegiyada eki qat terroristik akt yüz berdi. Oslo şeeriniñ merkezinde avtomobil içine qoyulğan patlatuv aleti patlağanı aqibetinde 7 adam elâk oldı. Bir qaç saat keçken soñ Üteya adasında Emek firqası gençlik teşkilâtınıñ lagerinde yaşlar toplaşuvınıñ bir çoq iştirakçileri qurşunlandı. Esasen 14-17 yaşlı ösmürler elâk oldılar.

Kütleviy informatsiya vastaları haber etkenine köre Norvegiyada eki qat terakt neticesinde 93 adam elâk oldı.