Meclis reisi ağa-qardaş Kliçkolarğa babalarınıñ vefatı munasebetinen taziye bildirdi

18 Mart 2011

Vitaliy Kliçkoğa

Vladimir Kliçkoğa 

Siz, siziñ aileñiz, soy-aqraba ve yaqınlarıñız oğrağan büyük ğayıp – baba, qoca, dede, Ukrainanıñ vatanperveri, cesür ve namuslı insan,  Vladimir Rodionoviç Kliçko vefat etkeni aqqındaki haberni teren yanıq ile eşittim.

Yaqın adamıñızdan ayırılıp, keder ve qayğı içinde bulunğan bu künlerde biliñiz ki, babañıznı şahsen tanımağan, lâkin siziñ em sportta, em  siyasiy-içtimaiy ömürde numayış ettigiñiz yüksek ahlâqiy printsipleriñiz sayesinde Ukraina ve ukrainlerni tanığan çoqtan-çoq insanlar bu munasip insannıñ oğullarına teren taziyelerini bildireler. 

Başıñız sağ olsun!

Qırımtatar halqı Meclisiniñ reisi Mustafa Cemilev