Meclis ofisine boya torbaları atıldı

25 Fevral 2014

2014 senesi fevral 25 kunb saba erte bellisiz şahıslar “Qırım fondı” hayriye teşkilâtınıñ, ekinci qatında Meclis ofisi yerleşken, binasına sarı boya tolu torbalarnı atqanlar.

Fevral 24-25-künleri Meclis ofisinde nevbetçilik yapqan Meclis Kâtibiyetiniñ başı Dilâver Akiyev tañda saat 6-da binanıñ ögü sarı boyanen bılaştırılğanını körip, deral militsiyanı çağırdı. Militsiya adise yüz bergen yerge operativ sürette yetip keldi.

Uquqqoruv organınıñ hadimleri binadaki tışarını közetken kameralarnıñ çekimlerini ögrenmekteler.

Ukraina İçki İşler nazirliginiñ Qırımdaki baş idaresiniñ milletlerara munasebetler saasında faaliyetini közetken bölük başı Veis Saityayevnıñ haber etkenine köre Ukraina Cinaiy kodeksiniñ 296-ncı maddesi 1-nci (Çapqınlıq) qısmı boyunca cinaiy iş açıldı.