Laheyde mayis 18 sürgün qurbanlariniñ hatirasi añildi ve Mogilövğa naraziliq bildirildi

20 May 2013

Avropanıñ diger merkezlerinden kelgen vekiller ile beraber Hollandada ilk kere miting teşkilâtlandırıldı.

Narazılıq mitinginde Hollanda Musulman Paltformasınıñ başı Ebubekir Öztűre, Avropalı Tűrk Demokratlar Birligi Hollanda Başqanı Veyis Gűngőr, Hollanda Tűrk İslam Kűltűr Dernekleri Federatsiyasınıñ başı Arif Yakışır, Hollanda Türk Federatsiyası Gençlik Qolları Başqanı Ahmet Çömlekçi, Mozaik Kűltűr ve Sanat Başqanı Ali İhsan Ünal da qatılaraq destek berdiler.

Ayrıca añma merasiminde Qazan Tatarlarnı temsil etken Gül Sultaneva da bulundı. Laheyde yapılğan tedbir munasebetinen Avropa Parlamentinde Hollanda milletvekili Emine Bozqurt da qırımtatar halqı Meclisiniñ Başqanlığına hıtaben bir mektüp yazaraq, Qırım baş naziri A. Mogilövnıñ qırımtatarlarına nisbeten alıp barğan adaletsiz siyaseti sebetinden telâşını bildirdi.

Başta 1944 senesi sürgünlik, soñra bütün şeitlerniñ hatırasına bağışlanğan sayğı turuşı ilân etildi, Qurandan sureler oquldı ve milliy marş icra etildi.

Añma programmasında çıqışta bulunğan Meclisniñ Hollandada temsilcisi Dr.Mehmet Tütünci cümleden böyle dedi: “Bundan 69 yıl evelsi 1944 senesi mayıs 18-de qırımtatarlar tarihiy yurtları Qırımdan vahşiyane quvulıp, ayvan taşığan vagonlarda Sibir ve Orta Asiya çöllerine sürgün etildiler. Sovet rejimi tarafından sürgün etilgen 423 biñ qırımtatarlarnıñ 46 fayızı 22 kün devam etken meşaqatlı yolculıq, soñra açlıq, hastalıqtan öldiler. Şeitlerimizge Alla rahmet eylesin. Unutmadıq, unuttırmamız”.

Qırımtatar Milliy Meclisiniñ Hollandada Temsilcisi Mehmet Tütüncü qırımtatarlarnıñ soyqırımı qurbanlarınıñ hatırasını añmaq içün bu yerde toplanğanlarını söyledi. Bunıñ kibi de Qırım Baş naziri Mogilövnıñ qırımtatarlarğa qarşı davranışlarına narazılıq bildirerek, Ukraina ükümetinden tedbirler almasını beklegenlerini ayttı. Ukraina elçiligine narazılıq mektübini berirken, qırımtatarlarnıñ bugün Ukrainadaki vaziyetini tüzetmek ricası yazılğanını bildirdi.

Mogilöv ve yolbaşçılığındaki ükümet sürgün ve soyqırım qurbanlarını añmağa izin bermeyip, sürgünniñ qurbanlarını unuttırmağa tırışqanlarını söylep: “Biz bunı iç bir şekilde qabul etmemiz” – dedi. Tatarlarnıñ daa da mağrur olmaları içün er angi yardımnı bermek kerekligini aytqan Mehmet Tütünci Hollanda Qırım Vaqufınıñ başı Mehmet Pekcan ile birlikte narazılıq mektübini elçihaneniñ poçtasına taşladılar.

Qırımtatar Meclisiniñ Hollandada Temsilcisi Dr. Mehmet Tütünci ile körüşken Ukraina Büyük elçisi Öleksandr Horin ise yapılğan añma törenine New Yorkta olduğu içün qatılamaadı, ancaq kelecek yıl Ukraina Elçiligi olaraq ortaq birmerasim keçirmek teklifinde bulundı.